«Chilonzor Ulgurji Savdo» kompaniyasi 2003-yilning dekabr oyida tashkil etilgan. U qurilish materiallari va asboblarini yetkazib berish hamda ulgurji sotishga ixtisoslashgan. Kompaniya assortimentida qurilish uchun bir necha yuz nomdagi mahsulotlar mavjud. Kompaniya «Ohangaronsement» AJ, «Buxorogips» QK OAJ, «Qizilqumsement» OAJ, Farg‘ona NQIZ, «O‘zruberoid» MChJ kabi korxonalar bilan hamkorlik qiladi. Mamlakatimizning barcha hududlaridan besh mingdan ortiq korxona mijozlarimiz sirasiga kiradi. 2007-yilda kompaniya negizida yangi korxona — «Antikor Polimer» MChJ ochildi. Ushbu korxona yangi ishlab chiqilgan va patent bilan himoyalangan «Premod» (TSh 64-22576249-01:2009) zang o‘zgartirgich/modifikatorlarini va «Korrnet» (TSh 64-22576249-02:2009) korroziyaga qarshi qoplamalarini ishlab chiqaradi. Shuningdek, konstruksiyalarni himoyalash, quvurlar va uskunalarni issiqlik izolyatsiyasi bilan ta’minlash, obmurovka va futerovka ishlarini bajarish, qurilish konstruksiyalari, uskunalar va quvurlarni korroziyadan himoyalash, jumladan, agressiv suvlar ta’sirida kimyoviy himoya qoplamalarini qo‘llash, quvurlar, konstruksiyalar va uskunalarni elektrokimyoviy himoyalash kabi ishlarni amalga oshiradi.
