Yengil matolardan texnik gazlamalargacha bo‘lgan to‘qimachilik mahsulotlari.
“Oy-TEX” MChJ — 2001-yilda Yangiyo‘l shahrida (Toshkent viloyati) tashkil etilgan to‘qimachilik mini-kombinati. Bugungi kunda “Oy-TEX” kompaniyasi texnik va yengil gazlamalar ishlab chiqarish sohasidagi yirik korxonalardan biri hisoblanadi.
“Oy-TEX” MChJ — to‘qimachilik materiallari ishlab chiqarishda eng yangi texnologiyalarni qo‘llaydigan, zamonaviy va jadal rivojlanib borayotgan korxonadir. Kompaniyaning faoliyat yo‘nalishlari: maxsus kiyimlar va formalar uchun gazlamalar, shuningdek, tayyor tikuvchilik mahsulotlari (ishchi qo‘lqoplar, qadoqlash mahsulotlari va h.k.) ishlab chiqarish hamda sotishdan iborat. Ishlab chiqariladigan mahsulotlar qatoridan turli xil parusina (brezent), belting-filtr, diagonal, kirza (xomaki), qopbop gazlama va boshqa ko‘plab mahsulotlar o‘rin olgan.
Ishlab chiqarish liniyalari mahalliy va xorijda ishlab chiqarilgan zamonaviy texnologik uskunalar bilan jihozlangan pishitish, to‘quv, bo‘yoq va tikuv sexlarini o‘z ichiga oladi.
