«Og‘ir mashinasozlik yetakchilarining qurilish texnikalari»
«TYAJMASH SERVIS» MChJ MPF kompaniyasi 1975-yilda tashkil etilgan. O‘sha paytda u Sovet Ittifoqi davrida mintaqadagi barcha korxonalarni karton idishlar bilan ta’minlagan yagona korxona — Toshkent karton idishlar zavodi edi. Keyinchalik, 1990-yilda «PAPIRUS» MPFga aylantirildi va 2005-yilda «TYAJMASH SERVIS» MChJ MPF deb qayta nomlandi. Kompaniyaning Toshkent shahri bo‘yicha 3 ta ishlab chiqarish bazasi bo‘lib, har birining o‘z faoliyat yo‘nalishi mavjud. Kompaniya O‘zbekiston Respublikasiga Rossiya zavodlarida ishlab chiqarilgan og‘ir qurilish texnikalarini yetkazib berishga ixtisoslashgan. U «ChTZ-Uraltrak» MChJ va «Uralvagonzavod» ITK zavodlarining rasmiy dileri hisoblanadi.
Korxona parkida g‘ildirakli va zanjirli yo‘l-qurilish texnikalarining (buldozerlar, frontal yuklagichlar, ekskavatorlar, avtogreyderlar, avtokranlar) keng assortimenti, shuningdek, neft-gaz, tog‘-kon, qurilish, o‘rmon xo‘jaligi va boshqa sohalar uchun ehtiyot qismlar hamda yuqori texnologiyali mashinasozlik mahsulotlari mavjud. Bundan tashqari, kompaniya Rossiyaning «Profiks» ITI assotsiatsiyasining rasmiy vakili hisoblanadi. Ushbu assotsiatsiya quruq qurilish aralashmalari, bo‘yoqlar ishlab chiqarish, shuningdek, maxsus texnologiya bo‘yicha eng sara materiallardan va modifikatsiyalovchi qo‘shimchalardan foydalanib, beton asosli qoplama marmar plitkalar tayyorlash bilan shug‘ullanadi. Mahsulotlar assortimenti 20 dan ortiq turni o‘z ichiga oladi. Murojaat qilinganda, kompaniya mutaxassislari qurilish materiallaridan foydalanish bo‘yicha zarur maslahatlarni berishadi.
