Temir yo‘l poliklinikasi — 71 yillik shifokorlik an’analari va yuqori texnologiyalar.
1937-yilda tashkil etilgan «O‘zbekiston temir yo‘llari» AJ Markaziy poliklinikasi bugungi kunda temir yo‘lchilar uchun malakali, ixtisoslashtirilgan tibbiy yordam ko‘rsatadigan, shuningdek, shahar aholisiga pullik tibbiy xizmatlar ko‘rsatuvchi maslahat-uslubiy markaz hisoblanadi. Bu bemorlarni tekshirish va davolash borasida ko‘p yillik an’analariga ega bo‘lgan zamonaviy yirik tibbiyot muassasasidir.
Ixtisoslashtirilgan tibbiy yordam 32 ta shifokorlik yo‘nalishi bo‘yicha ko‘rsatiladi, bunda klinik-biokimyoviy, bakteriologik laboratoriyalarda, shuningdek, inson virusli kasalliklarini aniqlash bo‘yicha noyob laboratoriyada laboratoriya-diagnostika tekshiruvlari o‘tkaziladi.
Poliklinika rentgenologik, funksional va ultratovush tekshiruvlarini o‘tkazish uchun zamonaviy diagnostika uskunalari va apparatlari bilan jihozlangan. Zarurat tug‘ilganda shifokorlar va o‘rta tibbiyot xodimlari uy sharoitida maslahat, davolash hamda tahlillar uchun namunalar olish xizmatlarini ko‘rsatadilar.
Poliklinikaning barcha xodimlari malaka toifalariga ega bo‘lib, Toshkent shahridagi Shifokorlar malakasini oshirish instituti bazalari va kafedralarida hamda xorijda muntazam ravishda o‘z bilim va malakalarini oshirib boradilar.
