Maksumova Lola Xalilovna
Maqsumova Lola Xalilovna,
1973-yil 15-noyabrda Toshkent shahrida tug‘ilgan.
Arxitektura-qurilish institutini, arxitektura fakultetini tamomlagan.
Muvaffaqiyatli rassom, badiiy ma’lumotga ega - kitob grafikasi yo‘nalishi bo‘yicha
MENINGCHA, mutaxassis kompaniyaning o‘zida yetishib chiqishi kerak. Shundagina u chinakam foyda keltira oladi va o‘z ishidan maksimal darajada qoniqish hosil qiladi. Biz kompaniyamizga shunchaki pul ishlashni emas, balki doimiy o‘sishni, yangi narsalarni o‘rganishni istaydigan ijodkor insonlarni jalb qilishga harakat qilamiz. Mehnatga haq to‘lash borasidagi siyosatimiz ancha egiluvchan: belgilangan eng kam miqdor va undan yuqori daromad mavjud, hammasi xodimning mehnat salohiyatiga bog‘liq. Odamlar o‘zlarini doimo xotirjam his qilishlari, har qanday vaziyatda kompaniya ularni qo‘llab-quvvatlashini bilishlari uchun intilamiz. Asosiysi, biz birgalikda bunyod etayotgan ishimizga putur yetkazmaslik va uni barbod qilmaslik. Korporativ intizom esa albatta bo‘lishi shart.
MEN UCHUN qaror qabul qilishda o‘z sezgilarimga tayanish doim muhim bo‘lgan. Men ijodkor insonman va o‘z vaqtida nufuzli, yuqori haq to‘lanadigan, ammo zerikarli ishda ishlay olmadim. Noaniqlikni, lekin qiziqarli noaniqlik yo‘lini tanlashni afzal bildim. Aynan shu kompaniyada butun ijodiy salohiyatim ro‘yobga chiqdi. Men hech qachon «ta’sischi qiyofasidan» foydalanmayman, gohida oddiy ishlarni ham bajaraman, lekin bu ishlarni mendan yaxshiroq hech kim uddalay olmaydi.
NAZARIMDA, har bir inson uchun eng asosiysi – hayotda o‘z o‘rnini topish va rivojlanishdan to‘xtamaslikdir. «SIYMO SAVDO» kompaniyasining bosh strategiyasi – o‘z atrofida qudratli infratuzilma yaratish, tashqi reklama, poligrafiya, suvenirlar va ularni ishlab chiqarish uchun uskunalar, texnologiyalar va materiallar yetkazib berish bozorida eng yirik korxonaga, kompaniyalar guruhiga aylanishdir. Biz ana shu maqsad sari qat’iyat bilan bormoqdamiz.
MChJ «SIYMO SAVDO»
Tashqi reklama, poligrafiya va esdalik sovg‘alari ishlab chiqarish uchun zarur bo‘lgan barcha narsa!
“SIYMO SAVDO” MChJ reklama kompaniyasi 2003-yil oktyabr oyida tashkil etilgan. Kompaniya O‘zbekiston va Markaziy Osiyoning boshqa mamlakatlari: Qozog‘iston, Qirg‘iziston, Tojikiston, Turkmaniston, Afg‘onistonga tashqi reklama, esdalik sovg‘alari va poligrafiya mahsulotlarini ishlab chiqarish uchun materiallar, texnologiyalar va uskunalar yetkazib berishga ixtisoslashgan.
Barcha uskunalar va materiallar to‘g‘ridan-to‘g‘ri ishlab chiqaruvchilardan, buyurtma asosida va ombordan yetkazib beriladi, bu esa taqdim etilayotgan materiallar, texnologiyalar va uskunalar uchun raqobatbardosh narxlarni ta’minlaydi. Mahsulotlar assortimenti jahon innovatsiyalariga muvofiq tarzda qo‘llab-quvvatlanadi va doimiy ravishda kengaytirib boriladi. Kompaniya mutaxassislari yangi materiallar va uskunalardan foydalanish bo‘yicha maslahatlar beradi, xodimlarni o‘qitadi, uskunalarni ishga tushirish-sozlash, kafolatli va kafolatdan keyingi xizmat ko‘rsatish hamda ta’mirlash ishlarini amalga oshiradi. Uskunalar va materiallar ulgurji va chakana sotiladi.
Batafsil ma’lumotni kompaniyaning www.siymo-savdo.com saytidan olishingiz mumkin.
Bugungi kunda “SIYMO SAVDO” xoldingni tashkil etuvchi kompaniya bo‘lib, xolding tarkibiga quyidagi korxonalar kiradi:
- “SIYMO SAVDO” MChJ — tashqi reklama, poligrafiya va esdalik sovg‘alari ishlab chiqarish uchun uskunalar, texnologiyalar va materiallar yetkazib berish;
- “VITRINA-PLUS” RIK — reklama mahsulotlari ishlab chiqarish;
- “SOLAR COLORIT” RIK — esdalik sovg‘alari ishlab chiqarish, poligrafiya;
- “NIYAT-MAQSAD” kredit uyushmasi — kreditlar, depozitlar, lizing;
- “INFINITI Central Asia” servis markazi — xodimlarni o‘qitish, uskunalarni ishga tushirish-sozlash, texnik xizmat ko‘rsatish va ta’mirlash;
- “TOP BRIGHT (H.K.) LIMITED” (Gonkong, XXR) transport-ekspeditorlik kompaniyasining vakolatxonasi — yuk tashish, omborxona xizmatlari, tarjimon xizmatlari, ko‘rgazmalarda hamrohlik qilish, XXRga xizmat safarlarini tashkil etish.
- Manzil
- ...
- Telefon
- ...