Zairova Go‘zal Jo‘rayevna

Zairova Go‘zal Jo‘rayevna, Marg‘ilon shahrida tug‘ilgan.

1977-yilda Reshetov nomidagi RPIRAIL (Jahon tillari universiteti) ni tamomlagan.

1993-yilda Biznesga ko‘maklashish institutini (Vena, Avstriya) menejment yo‘nalishi bo‘yicha tamomlagan.

1973-yilda G‘. G‘ulom nomidagi Adabiyot va san’at nashriyotida kotiblikdan reklama va targ‘ibot tahririyati mudiri lavozimigacha ko‘tarildi.

1984-yil - O‘zbekiston Qadimiy zargarlik fondining bosh saqlovchisi.

1992-yilda "Tadbirkor ayol" ADJU qoshidagi "Sitora" sho‘ba korxonasi direktori lavozimida ishlagan.

1998-yilda "Osiyekoservis" firmasi direktori lavozimida ishlagan.

2001-yil - "O‘zbekteatr" texnik-ishlab chiqarish birlashmasi qoshidagi "Artamadad" maxsus jamg‘armasining tashqi iqtisodiy faoliyat bo‘yicha eksperti.

2007-yil - "INVEST KREDIT" kredit uyushmasi Kengashi raisi.

Ikki o‘g‘ilning onasi.

PUL har doim zarur, ammo u ayniqsa kerak bo‘ladigan holatlar ham uchraydi. Bozor iqtisodiyoti sharoitlari insonni o‘zi va oilasiga munosib turmush tarzini ta’minlash uchun qat’iy harakat qilishga undaydi. Kredit ittifoqi – bu odamlar o‘rtasidagi moliyaviy vositachi va bu boradagi falsafamiz mohiyati juda oddiy: o‘zingga yordam berar ekansan, boshqalarga ham ko‘maklashasan. Kredit ittifoqi, bankdan farqli o‘laroq, kapitallar birlashmasi emas, balki odamlar uyushmasidir. Pay badali miqdoridan qat’i nazar, ittifoq a’zolari teng sharoit va huquqlardan foydalanadilar. Kredit ittifoqining o‘ziga xos jihati shundaki, kredit olish uchun barcha arizalar eng qisqa muddatlarda ko‘rib chiqiladi. Biz eng shoshilinch ehtiyojlarni – to‘y o‘tkazish, davolanish, o‘qish, mebel va avtotransport xaridi kabi va boshqa ko‘plab maqsadlarni moliyalashtiramiz. Ammo eng asosiysi – biz bilan siz o‘zingizga ishonch va so‘zsiz moliyaviy madad tuyg‘usiga ega bo‘lasiz.

HAYOTIMNING eng asosiy qoidasimi? Bu – o‘zligingni saqlab qolish, o‘zing bilan hamohanglikda yashash va har bir o‘tgan kun uchun Yaratganga shukrona aytish. Xoh eng chuqur jarlik tubida, xoh eng yuksak tog‘ cho‘qqisida bo‘l, o‘zingga xiyonat qilma va o‘zgarma. Zero, har birimiz hayotdan nimani so‘ragan va nimaga tayyor bo‘lsak, ayni o‘shani olamiz. Taqdirga minnatdor bo‘la bilish kerak. Faqat pul haqida o‘ylamay, o‘z ishingizni halollik va mehr bilan bajarsangiz, pulning o‘zi sizni topib keladi. Boy va o‘ziga to‘q odamning birovga hasad qilishga vaqti ham, kimdandir g‘azablanishiga hojat ham yo‘q. Hasadgo‘ylar va g‘azabnoklar butun umrini shu ahvolda, hech narsasiz o‘tkazadi, o‘z sevimli ishi bilan band bo‘lganlarning esa, chindan ham, hasad qilishga vaqti bo‘lmaydi. Parvoz qanchalik baland bo‘lsa, yuksaklikka intilib, o‘z maqsadlaringga erishish ham shunchalik oson bo‘ladi. Asosiysi – balandlikdan qo‘rqmaslik...

MEN san’atni barcha ko‘rinishlarida juda yaxshi ko‘raman va muvaffaqiyatli biznesning o‘zi ham bir san’at, deb hisoblayman. G‘afur G‘ulom nomidagi Adabiyot va san’at nashriyotida ham, O‘zbekiston Antikvar-zargarlik fondining Bosh saqlovchisi bo‘lib ishlagan paytlarimda ham hayotim ijod va go‘zallik qurshovida o‘tdi. Osip Mandelshtam, Marina Svetayeva, Umar Xayyom singari siymolarning chin she’riyatini sevib mutolaa qilaman...

BOZOR munosabatlari kirib kelgach, hayot go‘zalligini his etish uchun yangi yo‘llarni izlashga to‘g‘ri keldi. G‘oya tezda tug‘ildi. O‘zbekiston ishbilarmon ayollari uyushmasining ulkan ko‘magini olib, o‘z shaxsiy biznesimni – dastlab kasanachilik asosida ayollar uchun trikotaj kiyimlar, so‘ngra tikuvchilik ishlab chiqarishini yo‘lga qo‘ydim va zamonaviy dizaynni yaratish hamda ish jarayonini ta’minlashni o‘z zimmamga oldim. Menga doim yangi ish o‘rinlari yaratish yoqqan. Nazarimda, ayol kishiga nafaqat ma’naviyat va ziyolilik, balki moliyaviy mustaqillik ham zarur.

YANA bir muhim narsa – o‘zgalarning dardini ko‘ra bilish, yordam berishga intilishdir. Zero, muhabbat, do‘stlik, sadoqat – bular shunchaki aytilgan so‘zlar, xolos. Odamlarga esa ularning amaldagi isboti kerak. Donishmand xalq naqllari orasida bir juda o‘rinli gap bor: Birovga pichoq sanchishdan oldin, o‘zingga sanchib ko‘r. Agar og‘rimasa...