«KASMED» tibbiyot markazi 1998-yilda tashkil etilgan. Hozirgi kunda klinikada tibbiyotning turli yo‘nalishlari bo‘yicha yuqori malakali mutaxassislar faoliyat yuritmoqda. Klinika xodimlari o‘z bilim va malakalarini nafaqat respublikamizda, balki xorijda ham muntazam ravishda oshirib bormoqda. Mutaxassislarimiz Rossiya, Braziliya, Argentina, Germaniya, Avstraliya, Niderlandiya, AQSh va boshqa mamlakatlarda o‘tkazilgan xalqaro forumlar hamda kongresslarda ko‘p marotaba ishtirok etganlar.
«KASMED» tibbiyot markazi tibbiyotda zamonaviy yangi yondashuvlarni qo‘llash, xizmat ko‘rsatish sifati hamda yangi texnologiyalarni joriy etish borasida barqaror va ishonchli hamkor sifatida o‘zini namoyon etgan. Klinika bazasida kosmetologiya, plastik va estetik jarrohlik yo‘nalishlari bo‘yicha ko‘plab bo‘lajak mutaxassislar malaka oshirmoqda.
Klinikada plastik, rekonstruktiv va estetik jarrohlik, oftalmologiya, stomatologiya, kosmetologiya, fizioterapiya, foto yoshartirish, fotoepilyatsiya, davolovchi sellyulitga qarshi massaj, ozonoterapiya hamda laboratoriya tadqiqotlari yo‘nalishlari bo‘yicha diagnostika, profilaktika va davolash xizmatlari ko‘rsatiladi.
