MChJ «BIO-SUT» O‘ZBEKISTON-GERMANIYA QK

“BIO-SUT — BIO falsafasi”

“BIO-SUT” QK 2000-yilda tashkil etilgan. Boshidanoq kompaniya faoliyatining asosiy yo‘nalishi ekologik toza hududlarda yetishtirilgan tabiiy mahalliy xomashyodan ekologik sof sut mahsulotlarini ishlab chiqarishdan iborat bo‘ldi. Korxona sut mahsulotlarini qayta ishlashga mo‘ljallangan, xorijiy zamonaviy uskunalar bilan jihozlangan steril sexga ega. Texnologik jarayonda Germaniyadan keltirilgan yuqori sifatli xamirturushlar va bifidobakteriyalardan foydalaniladi. Mahsulotlar “Molopak” MChJ tomonidan ishlab chiqarilgan “pur-pak” turidagi ekologik toza neytral qadoqlarga hamda Rossiyaning “Poleks-Ural” MChJga qarashli polipropilen stakanchalarga qadoqlanadi.

Kompaniya assortimentidan sariyog‘, parhezbop tvorog, tvorogli pasta, eritilgan va qattiq pishloqlar, ryajenka, yangi pasterizatsiyalangan sut, yogurtlar hamda tarkibida tirik bifidobakteriyalar bo‘lgan “Bifilayf” va “Bifidok” kabi bioproduktlar o‘rin olgan. Mahsulotlar davolash-profilaktika vositasi sifatida, ichak va oshqozon-ichak yo‘llari mikroflorasini yaxshilash hamda immunitetni oshirish uchun tavsiya etiladi. Mazkur mahsulot “Mir biotexnologiy” MChJ tomonidan G. N. Gabrichevskiy nomidagi Moskva epidemiologiya va mikrobiologiya ilmiy-tadqiqot institutining elita bifidobakteriyalar kolleksiyasi asosida yaratilgan.

Kompaniyaning barcha mahsulotlari ISO 9001 standartiga muvofiq sertifikatlangan bo‘lib, ekologik jihatdan benuqson va jahon sifat andozalari asosida tayyorlanadi.