O‘zbekiston elektron tijorat uyushmasi 2018 yil 31 yanvarda ro‘yxatdan o‘tkazilgan. U raqamli bozor ishtirokchilarini birlashtiradi va davlat bilan muloqotda ularning manfaatlarini himoya qiladi. Tashkilot biznesning tizimli muammolarini aniqlaydi va qonunchilik hamda ma’muriy tartib- qoidalarga o‘zgartirishlar kiritishni taklif etadi. Uning ishtirokida elektron tijoratni rivojlantirish va soliqqa tortishnitakomillashtirish bo‘yicha qarorlar qabul qilingan. Bugungi kunda Uyushma savdo sohasidagi tizimli islohotlarni va Markaziy Osiyo hamda Kavkazda o‘zaro muvofiq qoidalarni rivojlantirishni ham ilgari surmoqda.
