“KAFIL SUG‘URTA” MChJ SK O‘zbekiston Respublikasi Moliya vazirligi tomonidan berilgan litsenziya asosida umumiy sug‘urta sohasida sug‘urta faoliyatini amalga oshiradi. Kompaniyaning asosiy ta’sischilari avtotransport xizmati ko‘rsatish sohasidagi korxonalar hisoblanadi. Sifatli sug‘urta xizmatlari, halollik va yuqori professionallik, har bir mijozga individual yondashuv hamda sug‘urta da’volarini tezkorlik bilan tartibga solish kompaniya faoliyatining ustuvor yo‘nalishlaridir. “KAFIL SUG‘URTA” sug‘urta kompaniyasi O‘zbekiston sug‘urta bozoridagi eng yaxshi o‘nta kompaniya qatoridan o‘rin olgan. Uning Toshkent shahrida, Qoraqalpog‘iston Respublikasida, barcha viloyatlarda hamda respublikaning yirik shaharlarida filiallari mavjud. Kompaniya 200 dan ortiq yuridik va jismoniy shaxs bo‘lgan sug‘urta agentlari orqali sug‘urta xizmatlarini ko‘rsatadi.
Kompaniya sug‘urtaning barcha turlarini, jumladan, quyidagilarni taqdim etadi:
mol-mulk va avtotransport vositalarini sug‘urtalash;
kreditlar va boshqa moliyaviy tavakkalchiliklarni sug‘urtalash.
Mustahkam obro‘ga ega bo‘lgani sababli “KAFIL SUG‘URTA” MChJ SKga neftni qayta ishlash, paxtani qayta ishlash, kimyo sanoati tarmoqlaridagi yetakchi korxonalar, bir qator bank muassasalari, shuningdek, avtotransport xizmati ko‘rsatish sohasidagi 3 000 dan ortiq korxona va tashkilotlar ishonch bildiradi. 2007-yil yakunlariga ko‘ra kompaniyaga uzB+ “Maqbul moliyaviy ishonchlilik” darajasidagi ishonchlilik reytingi berilgan. 2008-yilning birinchi yarim yilligi yakunlari bo‘yicha esa uzB++ “Yetarli moliyaviy ishonchlilik” darajasidagi dastlabki ishonchlilik reytingi berildi.
Manzil
100000, Toshkent sh., Mustaqillik shoh ko‘chasi, 59
