«Mercury Service» kompaniyasi 2004-yilda tashkil etilgan bo‘lib, bugungi kunda O‘zbekistonda Event management va MICE sohasidagi yetakchi kompaniyalardan biri sanaladi. Kompaniyaning professional va o‘z ishiga fidoiy xodimlari ko‘plab mahalliy hamda xalqaro tashkilotlarning ishonchini qozongan. Kompaniya 2009-yili O‘zbekistondagi eng yaxshi Event-kompaniya nominatsiyasida “Yil tanlovi” — “Choice of the Year in Uzbekistan” mukofoti bilan taqdirlangan. Shu vaqt mobaynida 100 dan ortiq tashkilot vakillari uchun ko‘plab tadbirlar va tantanali marosimlar tashkil etilgan.
«Mercury Service» quyidagi tadbirlarni tayyorlaydi va o‘tkazadi:
konferensiya va seminarlar;
rasmiy delegatsiyalar va VIP-mehmonlarni kutib olish;
korporativ bayramlar;
oilaviy tantanalar.
Ayni paytda kompaniyaning hududiy ofislari mavjud bo‘lib, ular O‘zbekistonning 12 ta viloyatida anjumanlar, seminarlar va boshqa tadbirlarni muvaffaqiyatli tashkil etib kelmoqda.
