«SIBUZ-INVEST» MChJ — O‘zbekiston bozorida yangi kompaniya!
«Sibuz-Invest» MChJ 2008-yil oktyabr oyida tashkil etilgan bo‘lib, uning ta’sischisi Rossiyaning «Inkomneft» OAJ hisoblanadi. Kompaniyaning asosiy faoliyat turlari ulgurji savdo va bolalar trikotaj kiyimlarini ishlab chiqarishdan iborat.
«Sibuz-Invest» MChJ o‘zining shaxsiy ishlab chiqarish quvvatlariga ega. Ayni vaqtda kompaniyaning Xonobod shahridagi trikotaj mahsulotlari zavodi negizida eng so‘nggi texnologik uskunalar bilan jihozlangan sexi mavjud. Bu yerda qisqa muddat ichida keng turdagi bolalar trikotaj mahsulotlari ishlab chiqarish o‘zlashtirildi va tikuvchilik sexi ishga tushirildi. Neftchilar uchun maxsus kiyimlarning bir qator namunalari, choyshablar, paxtali nimchalar va ishchi qo‘lqoplar ishlab chiqarildi. Bundan tashqari, erkaklar kostyumlarini tikish ham yo‘lga qo‘yildi.
Faoliyatning ustuvor yo‘nalishlaridan biri yovvoyi holda o‘suvchi taran o‘simligi ildizidan, sumax daraxti barglaridan va anor po‘stlog‘idan oshlovchi ekstrakt tayyorlashdir. Oshlovchi ekstrakt terini oshlashda, neft va gaz qazib olish sanoatida quduqlarni burg‘ilashda, tibbiyotda va boshqa sohalarda keng qo‘llaniladi.
«Sibuz-Invest» MChJ yosh, jadal rivojlanayotgan kompaniya bo‘lib, kelajakda o‘z do‘konlarini ochishni va ishlab chiqarishni kengaytirishni rejalashtirgan.
