«Siymo» MChJ 1998-yilda tashkil etilgan. Sakkiz yil ichida 10 nafar xodimga ega bo‘lgan kichik kompaniya bir nechta filiallari bor korxonaga aylanib, butun O‘zbekiston bo‘ylab reklama joylashtira boshladi. Kompaniyaning sarmoyasi 420 million so‘mni, yillik mahsulot ishlab chiqarish hajmi esa 250 million so‘mdan ortiqni tashkil etadi (ma’lumotlar 2006-yilga oid).
Kompaniya reklama xizmatlarining to‘liq turkumini taqdim etadi, biroq asosiy e’tibor ijodiy g‘oyadan tortib, sifatli ijrogacha bo‘lgan tashqi reklamani tayyorlashga qaratilgan. «Perfectum Mobile», «Vitek», «Colgate-Palmolive», «Royal», «Nestle» va boshqa ko‘plab kompaniyalar uning mijozlari sirasiga kiradi.
Reklama agentligi eng so‘nggi keng formatli plotter hamda zamonaviy raqamli poligrafiya uskunalari bilan jihozlangan. Moddiy-texnik baza doimiy ravishda takomillashtirib borilmoqda, mahsulot sifatini jahon andozalari darajasida ta’minlash imkonini beruvchi yangi texnologiyalar joriy etilmoqda.
Shuningdek, kompaniya nafaqat poytaxtda, balki butun respublika bo‘ylab ham tashqi reklamani joylashtirish bilan shug‘ullanadi.
