«Atlasdek naqshin tun
Kun bo‘yi tolgan bog‘ni yopar,
Unda siklamen, levkoy
Va xrizantemalar uxlab yotar…»
“Yashil Barg” kompaniyasi 1995-yilda tashkil etilgan. U landshaft dizayni, hududlarni ko‘kalamzorlashtirish va obodonlashtirishga ixtisoslashgan. Kompaniya landshaft ishlarining to‘liq majmuasini — mualliflik nazorati ostida loyihalashdan tortib, ko‘kalamzorlashtirilgan hududlarni parvarishlash xizmatlarigacha taklif etadi. Avtomatik sug‘orish tizimiga ega maysazorlarni barpo etadi va ularga keyinchalik kafolatli xizmat ko‘rsatadi. Qishki bog‘lar, manzarali suv havzalari, sharshara va sharsharasimon favvoralar, yo‘laklar hamda kichik me’moriy shakllar yaratish bilan shug‘ullanadi. Ofislar, mehmonxonalar, banklar interyerining yashil dizayni va ularga tutash hududlarni obodonlashtirish bo‘yicha buyurtmalar qabul qiladi. Bog‘ni yoritish dizaynini landshaft san’atining eng zamonaviy talablariga muvofiq amalga oshiradi.
Kompaniya Rossiya, Xitoy va Germaniyaning yetakchi firmalaridan ko‘chat materiallarini (daraxtlar, butalar, ignabargli o‘simliklar) xarid qilish imkoniyatiga ega.
Toshkent, Samarqand va Buxorodagi bir qator mehmonxonalar, respublikamizdagi va xorijdagi elchixonalar hamda vakolatxonalar, “Coca-Cola” kompaniyasi, “O‘zbekiston havo yo‘llari” milliy aviakompaniyasi va O‘zR TIF Milliy bankining barcha bo‘limlari kompaniyaning mijozlari hisoblanadi.
