«Beta» kompaniyasi 1993-yilda tashkil etilgan. Dastlabki faoliyat yo‘nalishi travmatologiya va ortopediya bo‘limlaridagi bemorlarni davolash hamda reabilitatsiya qilish uchun tibbiy asbob-uskunalar ishlab chiqish, tayyorlash va sotishdan iborat bo‘lgan.
1999-yilda kompaniya faoliyati ofis texnikasi, uning aksessuarlari va sarflov materiallari, kanselyariya mollari hamda maishiy texnika korporativ va ulgurji savdosiga qayta yo‘naltirildi.
2004-yilda ofis texnikasi uchun qog‘oz ishlab chiqaruvchi dunyodagi eng yirik kompaniya — International Paper (AQSH) bilan hamkorlik aloqalari yo‘lga qo‘yildi. Hamkorlik doirasida eng ilg‘or brendlar: barcha 3 sinfdagi (A, B, C+) Ballet hamda Adajio (22 xil rangdagi ofis qog‘ozi) qog‘ozlarini yetkazib berish ko‘zda tutilgan.
2008-yilda «Beta» kompaniyasi sertifikatlangan distribyutorlik huquqini qo‘lga kiritib, O‘zbekiston bozoriga Ballet brendining ColorLok texnologiyasiga ega yangi ofis qog‘ozi standartini olib kirdi. Ushbu texnologiya Hewlett-Packard kompaniyasining sarflov materiallari va bosma uskunalar ishlab chiqarish sohasidagi yutuqlari hamda International Paper kompaniyasining qog‘oz ishlab chiqarish borasidagi tajribasini o‘zida mujassam etgan. ColorLok texnologiyali Ballet qog‘ozi — foydalanuvchilarning har qachongidan ham sifatliroq bosma mahsulotga ega bo‘lishining kafolatidir.
