“Sport” – O‘zbekiston Milliy teleradiokompaniyasi (O‘zMTRK) tarkibidagi ommabop davlat sport teleradiokanali. Kanal butun mamlakat hududida 24 soat davomida efirga uzatiladi.
Telekanalda turli sport musobaqalari va tadbirlari, shuningdek, sport mavzusidagi ko‘rsatuv hamda dasturlar namoyish etiladi. Ular qatoriga futbol bo‘yicha Jahon chempionati o‘yinlari, futbol bo‘yicha O‘zbekiston chempionati, OFK (Osiyo futbol konfederatsiyasi) Chempionlar ligasi, o‘smirlar va yoshlar terma jamoalari o‘rtasidagi futbol bo‘yicha Jahon chempionatlari, Yozgi va qishki Olimpiya o‘yinlari, tennis, basketbol, xokkey, voleybol bo‘yicha o‘yinlar va boshqa ko‘plab sport musobaqalari kiradi.
