Igamratova Olga Yuryevna

Igamratova Olga Yuryevna 1973-yil 15-avgustda Buxoro shahrida tug‘ilgan.

2007-yilda Moskva davlat servis universitetini “huquqshunos” mutaxassisligi (fuqarolik huquqi kafedrasi) bo‘yicha tamomlagan.

O‘zbekiston-Yaponiya markazining Professional menejment dasturi (MBA muqobili), O‘zbekiston Respublikasi Moliya vazirligi auditori, CIPA (O‘zbekiston biznes-fanlari o‘qituvchilari assotsiatsiyasi) dasturi bo‘yicha auditor, CAP (sertifikatlangan
amaliyotchi buxgalter), Buxgalterlar va auditorlar milliy assotsiatsiyasi sertifikatlariga, shuningdek, TDIUning “Aksiyadorlashtirish. Qimmatli qog‘ozlar bilan operatsiyalar” kursi sertifikatiga ega. TASIS dasturining “O‘zbekiston Respublikasida iqtisodiy nochor korxonalarni restrukturizatsiya qilish” loyihasida ishtirok etgan.

1998–2007-yillarda “Auditbirjasavdo” MChJda auditor lavozimida ishlagan.

2000–2003-yillarda “O‘zbekiston” QK OAJda qimmatli qog‘ozlar bo‘yicha bosh mutaxassis, bosh iqtisodchi lavozimlarida faoliyat yuritgan.

2003–2004-yillarda “Armadad” xususiy firmasida ijrochi direktor bo‘lib ishlagan.

2005-yil noyabr oyidan hozirgi vaqtga qadar “BALANS PLUS” MChJ direktori va ta’sischisi.

Turmush qurgan, bir nafar qizi bor.

Biznes – bu tadbirkorni har kuni boshi bilan o‘ylantiradigan ulkan voqealar girdobidir. Boshqaruv, moliya, soliqlar, rejalashtirish, taqsimot, bozordagi o‘rinni belgilash – bularning barchasi doimiy va shoshilinch yechimlarni talab qiladigan vazifalardir. Bunday muammolarni mustaqil ravishda yengib o‘tish har doim ham imkonli emas, xodimlar orasida esa yordam beradigan “g‘oyalar generatori” sifatida ko‘pi bilan bir yoki ikki kishini sanash mumkin. Agar bu holat sizga tanish bo‘lsa, tushkunlikka tushishga hojat yo‘q. Sizga konsalt-buxgalteriya yordam beradi. Konsalt-buxgalteriya – bu korxonaning buxgalteriya va soliq hisobini yuritish bo‘yicha professional maslahat berish demakdir. Buxgalteriya konsaltingi quyidagi masalalar bo‘yicha amalga oshiriladi: buxgalteriya hisobini yuritish va hisobotlarni tayyorlash, biznesni buxgalteriya jihatdan qo‘llab-quvvatlash, buxgalteriya hisobotini tiklash va yo‘lga qo‘yish, soliqqa tortish va soliq hisob-kitoblarini tuzish bo‘yicha maslahat berish, korxonaning moliyaviy va iqtisodiy tahlili, biznes-rejalashtirish – ya’ni, tadbirkorga turli tekshiruvlarga savodli va puxta tayyorgarlik ko‘rishga hamda jahon moliyaviy inqirozining har qanday “hujumlariga” shay turishga yordam beradigan barcha xizmatlar.

SOLIQ tekshiruvlari – bu biznesning barqarorlik darajasini belgilaydigan o‘ziga xos “barometr”dir. Soliq tekshiruvi arafasida tadbirkorlarning korxona buxgalteriyasining ahvoli havas qiladigan darajada emasligini aniqlashi bilan bog‘liq holatlar kam uchramaydi. Kompaniyada amalga oshirilgan moliyaviy operatsiyalar har doim ham balansda aks etavermaydi, korxonaning hisobvarag‘idan chiqib ketayotgan pul mablag‘lari esa hech qayerda qayd etilmaydi. Natijada, korxona o‘z faoliyatini qonunga muvofiq yuritgandek bo‘ladi-yu, ammo buning isboti bo‘lgan biror moddiy axborot tashuvchidagi qayd etilgan hisobot mavjud bo‘lmaydi. Eng muhimi – vahimaga tushmaslik! Har qanday buxgalteriyani tiklash mumkin. Buxgalteriya hisobini tiklash uzoq davom etgan “og‘riqli” moliyaviy turg‘unlikdan so‘ng “firmani jonlantirish”ga o‘xshaydi. Bu nafaqat provodkalarni tuzish bo‘yicha bilim va ko‘nikmalarni, balki ularni tadbirkorlik faoliyati amalga oshirilayotgan mamlakat qonunchiligiga muvofiqlashtirishni ham talab qiladigan murakkab jarayondir. Aynan shu sababli, korxonaga buxgalteriya hisobotini yuritish standartlari va me’yorlari bo‘yicha vaqti-vaqti bilan maslahat berib, buxgalteriya sohasida bir qator zarur xizmatlarni ko‘rsatib turadigan mutaxassis ayni muddao bo‘lar edi.

«BALANS PLUS» KOMPANIYASI – buxgalteriya hisobi sohasidagi yuqori malakali mutaxassislar jamoasidir. Kompaniyamiz mutaxassislari buxgalteriya hisobi va soliqqa tortish sohasida katta amaliy tajriba va kasbiy ko‘nikmalarga egadir.

“ORTIQCHA Milya TAMOYILI” – bu mening, qolaversa, barcha muvaffaqiyatli insonlarning hayotiy tamoyili deb o‘ylayman. Har safar kelishilgandan ko‘prog‘ini bajarish! Har doim o‘z imkoniyatlaringiz cho‘qqisida ishlash! Atrofingizdagi odamlarni doimo g‘ayrat bilan ruhlantirib, ularni o‘z ijodiy va kasbiy salohiyatini ochishga safarbar etish – mana shu hayotiy muvaffaqiyat, optimizm va farovonlik garovidir. Ushbu hayotiy tamoyillarga amal qilinsa, samoviy devonxonadagi Ezgulik kitobi Yovuzlik kitobidan albatta og‘ir keladi. Va bu – mavjud bo‘lish huquqiga ega yagona nomutanosiblikdir. Qolgan hamma narsa uyg‘unlik va muvozanatda bo‘lishi kerak.