Derbentsev Maksim Alekseevich

Derbentsev Maksim Alekseyevich, 1980-yil 2-martda Toshkent shahrida tug‘ilgan.

2001-yilda Toshkent davlat iqtisodiyot universitetining “Xalqaro iqtisodiy munosabatlar” fakultetini bakalavriat bosqichida tamomlagan.

2003-yilda “Tashqi iqtisodiy faoliyatda buxgalteriya hisobi va audit” mutaxassisligi bo‘yicha magistraturani tugatgan.

2001-yildan “Derbentsev M.A.” xususiy tadbirkori sifatida faoliyat yuritadi.

2009-yildan buyon “M-SHAR” MChJning hammuassisi hisoblanadi.

AERODIZAYN bilan institutni bitirganimdan so‘ng deyarli darhol shug‘ullana boshladim, garchi bu mening mutaxassisligim bo‘lmasa-da. Tanlovim asosida, avvalo, iqtisodiy hisob-kitob yotardi – o‘sha paytda bu soha bo‘sh edi. Asta-sekin, qadamma-qadam faoliyat doiramiz kengayib bordi va hozirda kompaniyamiz tantanali marosimlarni boshidan oxirigacha o‘tkazib berishni taklif eta oladi. Bunga nafaqat xonani bezash, yoritish va dekoratsiyalar, balki tadbir rejissurasi ham kiradi. Bu, birinchi navbatda, buyurtmachiga qulaylik yaratish maqsadida qilingan, chunki unga hamma narsani – guldastadan tortib banketgacha – bir joyda buyurtma qilish ancha oson. Qolaversa, shunchaki standart narsalarga buyurtma berish emas, balki oldimizga g‘ayrioddiy, ammo qiziqarli vazifalar qo‘yish imkoniyati ham bor. Biz har doim tajribalarga tayyormiz. Puflama sharlar – turfa xil badiiy va haykaltaroshlik asarlarini yaratish mumkin bo‘lgan ajoyib material. Sharlar bilan bezatish – bu ham dizayn, ham me’morchilik, ham san’atdir. Masalan, yaqindan boshlab ommabop multfilmlar syujeti asosida ishlar bajarib, tajriba qila boshladik. Bolalar bundan behad zavqlanishadi. Kattalar esa ko‘pincha korporativ tadbirlari, to‘ylari va yubileylarini bezab turgan haykallarning puflama sharlardan yasalishi mumkinligidan hayratga tushishadi.

MENINGCHA, tadbirkorning asosiy xislatlari – bu shijoat, o‘ziga bo‘lgan ishonch va, albatta, bitmas-tuganmas mehnatsevarlikdir. Puflama sharchalar, gulchalar, matolarning bor yengilligi – mehmonlar uchun, ularning ortida esa mashaqqatli jismoniy va aqliy mehnat yotadi. Biz marosim o‘tkaziladigan joyga birinchi bo‘lib kelamiz – dam oluvchilar uchun qulaylik va shinamlik yaratamiz, oxirgi bo‘lib ketamiz. Bu yil, masalan, Yangi yilni birinchi yanvar kuni ertalab soat o‘nlarda kutib oldik. Hamma dam olayotgan bir paytda, biz, birinchidan, Yangi yilning o‘zini, ikkinchidan, o‘z muvaffaqiyatimizni – ishni uddalaganimiz va odamlar mamnun bo‘lib ketganini nishonlayotgan edik. Tanlagan kasbimning qiyinchiliklaridan esa hech qachon nolimayman – bu mening tanlovim va men uni ongli ravishda, puxta o‘ylab qilganman, bundan juda xursandman. Ishing boshqalarning hordig‘i bo‘lsa, bu ajoyib.

KORXONAMIZNING bozordagi faoliyatiga sakkiz yil bo‘ldi va hozirda men Madaniyat va sport vazirligi, Toshkent shahar hokimligi huzuridagi Madaniy-ommaviy va sport tadbirlarini o‘tkazish direksiyasi, “O‘zbeknavo” davlat muassasasi, “Infocom” kabi ko‘plab kompaniyalar uchun bayramlarni tashkil etish bo‘yicha maslahatchi va ekspert sifatida ishlayman, ular bilan yaqindan hamkorlik qilamiz. Va, albatta, doim o‘zimdan katta va tajribaliroq hamkasblarimdan rejissura, dizayn, bayramlar tashkil etishni o‘rganishga harakat qilaman. Umuman olganda, ish yuzasidan muloqotda bo‘lgan har bir inson sening nafaqat potensial, balki amaldagi ustozing hamdir, deb hisoblayman. Kerakli narsani o‘zlashtirasan, keraksizini esa xotirangda arxivlab qo‘yasan va vaqti kelganda taqqoslash, shu orqali shaxsiy tajribangni boyitish uchun uni qayta yodga olasan.

SHAR – aylananing o‘z o‘qi atrofida aylanishidan hosil bo‘ladigan mukammal geometrik jism. Haqiqatan ham mukammal! Axir Koinotdagi deyarli barcha obyektlar va jismlar – yulduz, sayyora, vaznsizlikdagi suv tomchisi – bejizga bu shaklda emas. Garchi men hech qachon faoliyatimga “Men odamlarga quvonch ulashishni yaxshi ko‘raman!” kabi hissiy bo‘yoq bermagan bo‘lsam-da, biroq gohida o‘ta jiddiy va salobatli odamlarning bir zumga bo‘shashib, tashvishlarini unutib, bolalarga aylanib qolganini ko‘rganda jilmaymaslikning iloji yo‘q. Asosiysi, shuni yodda tutish kerak: “BARCHAMIZ BOLALIKDANMIZ...”

SHAR - aylananing o‘z o‘qi atrofida aylanishi natijasida hosil bo‘lgan ideal geometrik jism. Haqiqatan ham: mukammal! Axir koinotdagi deyarli barcha obyektlar va predmetlar - yulduz, sayyora, vaznsizlikdagi suv tomchisi shu shaklga ega ekanligi bejiz emas. Garchi men hech qachon o‘z faoliyatimga "Men odamlarga quvonch ulashishni yaxshi ko‘raman!" kabi hissiy tus bermagan bo‘lsam-da, baribir, ba’zi lahzalarda mutlaqo katta va salobatli odamlar biroz bo‘shashib, tashvishlarini unutib, bolalarga aylanganda tabassum qilmaslik mumkin emas. Asosiysi esda tutish kerak: "BIZ HAMMA BOLALIKDAN BORMIZ..."