Korxona 1999-yilda tashkil etilgan bo‘lib, o‘z faoliyatini “O‘zbekqishloqmash” zavodidan ombor ijaraga olgan “Nazirov A. Z.” xususiy korxonasi sifatida boshlagan. O‘shanda texnik xodimlar bor-yo‘g‘i yetti kishidan iborat edi. Asosan sovet davriga oid zarur ishlab chiqarish va texnologik uskunalar eskirgan hamda butlanmagan holatda xarid qilinib, o‘z kuchi bilan qayta tiklangan, original moslamalar esa mustaqil ravishda ishlab chiqilgan.
2004-yilda ishlab chiqarish hajmi va xodimlar soni ortishi bilan “AZN” MChJ tashkil etildi.
Bugungi kunda “AZN” kompaniyasi supermarket va do‘konlarni o‘zi ishlab chiqargan uskunalar bilan “tayyor holda topshirish” tamoyili asosida to‘liq jihozlamoqda. Bular vitrinalar, stellajlar, sovutkich uskunalari, kassa kabinalari va savdo uchun zarur bo‘lgan boshqa ko‘plab anjomlardir.
Kompaniya jahon amaliyotiga muvofiq uskunalarni qulay joylashtirish, xaridorlar oqimini yo‘naltirish va savdo maydonidan oqilona foydalanishga doir barcha hisob-kitoblarni o‘z ichiga olgan binoning dastlabki kompyuter rejasini taqdim etadi. “AZN” MChJ buyurtmachining vazifalarini uskuna dizaynidan tortib, uni sozlab berishgacha bo‘lgan bosqichlarda kompleks hal etishni taklif qiladi. Kompaniya o‘zining barcha mahsulotlariga kafolatli va kafolatdan keyingi xizmat ko‘rsatishni ta’minlaydi.
Korxonaning Chilonzorda firma do‘koni va zavod hududida katta shourumi mavjud. Ularda sotuvchi-maslahatchilar mahsulotlar haqida barcha zarur ma’lumotlarni berib, binoning o‘ziga xos xususiyatlarini inobatga olgan holda oqilona tanlov qilishga yordam berishadi.
Ayni paytda “AZN” MChJ sovutkich va stellajlarning yangi modellarini yaratish hamda mavjudlarini takomillashtirish bilan bir qatorda, o‘z faoliyatining yangi yo‘nalishini yo‘lga qo‘yish ustida faol ish olib bormoqda. Bu – O‘zbekiston korxonalariga metall qismlarni lazer yordamida kesish, bukish, payvandlash va bo‘yash bo‘yicha zamonaviy kompyuter texnologiyalaridan foydalangan holda autsorsing xizmatlarini ko‘rsatishga mo‘ljallangan “Listli metallga ishlov berish markazi”dir.
